ТУ́РАЎСКАЕ ЕВА́НГЕЛЛЕ,

старажытнарускі рукапісны помнік 11 ст.; самая ранняя (з тых, што захаваліся) кніга, створаная на бел. землях. Збераглося 10 аркушаў. Напісана на пергаменце ўставам, аздоблена ініцыяламі (старавізантыйскі тып, выкананы на зялёным фоне, размаляваны чырв. і сіняй фарбамі) і маргінальнымі ўпрыгожаннямі ў выглядзе гронкі. Ёсць укладныя запісы 2.5.1508, 10.2.1513, 1781. Знойдзена ў г.п. Тураў (Жыткавіцкі р-н Гомельскай вобл.) у 1865, вывезена М.​Сакаловым у Віленскую публічную б-ку. Зберагаецца ў б-цы АН Літвы. У 1962—63 рэстаўрыравана, зроблены новы пераплёт, стары (17 ст.) захоўваецца асобна.

Публ.:

Туровское евангелие одиннадцатого века. Вильна, 1869.

Літ.:

Сводный каталог славяно-русских рукописных книг, хранящихся в СССР, XI—XIII вв. М., 1984;

Нікалаеў М. Палата кнігапісная. Мн., 1993;

Пуцько В. Ілюмінацыя Тураўскага евангелля XI ст. // Бел. гіст. агляд. 1998. Т. 5, сш. 1(8).

М.​В.​Нікалаеў.

Ліст з Тураўскага евангелля.

т. 16, с. 37

Беларуская Энцыклапедыя (1996—2004, правапіс да 2008 г., часткова)